Generated by AI
અમદાવાદ- Stock Market India શેરબજારમાં મોટો ઘટાડો આવ્યો આવ્યો હતો. મંગળવારે નિફ્ટીની વીકલી એક્સપાયરીના દિવસે ભારે વેચવાલી આવી હતી. બીએસઈ સેન્સેક્સ(BSE Sensex) 893 પોઈન્ટ તૂટી 76,200 બંધ થયો હતો. એનએસઈ નિફ્ટી(NSE Nifty) 278 પોઈન્ટ તૂટી 23,824 બંધ રહ્યો હતો. બેંક નિફ્ટી(Bank Nifty) 751 પોઈન્ટ ગબડીને 57,183 બંધ હતો. માર્કેટ કેપમાં 5.50 લાખ કરોડ રૂપિયાનું ધોવાણ થયું હતું. શેરબજારમાં એકાએક કેમ ભારે વેચવાલી આવી? શેરબજાર તૂટવા પાછળ કયા ચાર સોલીડ કારણ રહ્યા? ટેકનિકલી સપોર્ટ લેવલ તૂટ્યા છે કે નહી?હવે કાલે બજારનો ટ્રેન્ડ કેવો રહેશે? શેરબજારના(Share Market India) આજના પાંચ બિગ ન્યૂઝ જાણીશું.
જૂઓ વીડિયો….
સેન્સેક્સ 893 પોઈન્ટ તૂટ્યો
મુંબઈ શેરબજારનો સેન્સેક્સ સવારે 77,086ના સામાન્ય નીચા મથાળે ખૂલીને શરૂમાં વધી 77,194 થઈ અને ત્યાં નફારૂપી વેચવાલી આવતાં ઘટી 76,082 થઈ અને ટ્રેડિંગ સેશનને અંતે 76,200.68 બંધ થયો હતો. જે ગઈકાલના બંધ ઈન્ડેક્સની સરખામણીએ 893.39 ગબડ્યો હતો.
નિફ્ટી 278 પોઈન્ટ ગબડ્યો
નેશનલ સ્ટોક એક્સચેન્જનો નિફ્ટી ઈન્ડેક્સ સવારે 24,071ના નીચા મથાળે ગેપમાં ખૂલીને શરૂમાં વધી 24,135 થઈ ત્યાંથી ઝડપી તૂટી 23,784 થઈ અને ટ્રેડિંગ સેશનને અંતે 23,824.10 બંધ રહ્યો હતો. જે ગઈકાલના બંધની સામે 278.80 ગબડ્યો હતો.
શેરબજાર તૂટવાના કારણો
(1) ગ્લોબલ માર્કેટમાં આજે મોટો કડાકો બોલી ગયો હતો. કોરિયાનો કોસ્પી ઈન્ડેક્સ 910 પોઈન્ટ(11 ટકા) લોઅર સર્કિટમાં બંધ રહ્યો હતો. જાપાનનો નિક્કી ઈન્ડેક્સ 2093 પોઈન્ટ તૂટ્યો હતો. તાઈવાનનો તેઈપેઈ 640 પોઈન્ટ તૂટ્યો હતો. ચીનનો સાંધાઈ ઈન્ડેક્સ 56 પોઈન્ટ ગબડ્યો હતો. હોંગકોંગનો હેંગસેંગ ઈન્ડેક્સ 417 પોઈન્ટ ઘટ્યો હતો. આમ એશિયાઈ સ્ટોક માર્કેટ પછી બપોરે યુરોપિયન સ્ટોક માર્કેટ ગગડીને આવ્યું હતું. તેમજ ડાઉ જોન્સ ફ્યુચર 290 પોઈન્ટ માઈનસ હતો. આમ વૈશ્વિક સ્ટોક માર્કેટ પાછળ ભારતીય શેરબજારનું સેન્ટિમેન્ટ ખરડાયું હતું.
(2) યુએસ ડૉલર ઈન્ડેક્સ વધીને 101નું લેવલ ક્રોસ કરી ગયો હતો. જેથી ભારતીય મેટલ શેરોમાં ભારે વેચવાલીથી કડાકો હતો. મેટલ ઈન્ડેક્સ 422 પોઈન્ટ(3.22 ટકા) તૂટ્યો હતો. નાલ્કો, હિન્દુસ્તાન ઝીંક અને એનએમડીસી સહિતના મેટલ શેરો ગબડ્યા હતા.
(3) ગત મોડી રાતે યુએસ નાસ્ડેક 351 પોઈન્ટ તૂટ્યો હતો. જેની પાછળ ભારતીય આઈટી શેરોમાં ભારે વેચવાલીથી ભાવ તૂટ્યા હતા. તેમજ યુએસ અને દક્ષિણ કોરિયામાં ચીપ બનાવતી કંપનીઓના શેરોમાં વિદેશી રોકાણકારો સહિતના સ્થાનિક રોકાણકારોએ ખૂબ મોટું રોકાણ કર્યું હતું. જેને પગલે આવી ચીપ બનાવતી કંપનીઓના શેરોમાં મોટી તેજી આવી હતી. એઆઈના વધતા જતાં ઉપયોગને કારણે ચીપ બનાવતી કંપનીઓના શેરોની બોલબાલા હતી. પણ હવે ભાવ એટલા બધા ઊંચા થયા છે કે હવે હાઈ વેલ્યૂએશનનો ખતરો ઉભો થયો છે. જેથી આજે અંધાધૂધ વેચવાલીથી આઈટી સેકટરના શેરોના ભાવ તૂટ્યા હતા.
(4) આજે મંગળવારે નિફ્ટીની વીકલી એક્સપાયરી હતી. જેથી તેજીવાળા ખેલાડીઓની ઉભા લેણ સરખા કરવારૂપી વેચવાલીનું પ્રેશર હતું.
મીડકેપ અને સ્મોલકેપ ઈન્ડેક્સ તૂટ્યા
મીડકેપ ઈન્ડેક્સ 658 પોઈન્ટ તૂટ્યો હતો. તેમજ નિફ્ટી સ્મોલકેપ 100 ઈન્ડેક્સ 91 પોઈન્ટ ડાઉન હતો. પરિણામે એડવાન્સ ડેક્લાઈન રેશિયો નેગેટિવ હતો. 1020 શેરાના ભાવ વધ્યા હતા અને 2280 શેરના ભાવ ઘટ્યા હતા.
111 શેરમાં અપર સર્કિટ
139 શેર બાવન વીક હાઈ પર બંધ હતા અને 22 શેર બાવન વીક લો પર બંધ હતા. તેમજ 111 શેરમાં અપર સર્કિટ લદાઈ હતી, તેની સામે 76 સ્ટોકમાં લોઅર સર્કિટ લદાઈ હતી.
સૌથી વધુ ગગડેલા શેર
ઈન્ફોસીસ(3.42 ટકા),વિપ્રો(3.21 ટકા), ટીસીએસ(3.19 ટકા), અદાણી એન્ટરપ્રાઈઝ(3.10 ટકા) અને જેએસડબલ્યુ સ્ટીલ(3.10 ટકા).
