Generated by AI
અમદાવાદ- Gold Silver Market સોનાચાંદી બજારમાં તેજીની આગેકૂચ રહી હતી. આંતરરાષ્ટ્રીય બજારમાં ઈન્ટ્રા-ડેમાં ગોલ્ડ 4500 ડૉલરની સપાટી કૂદાવી હતી. તેમજ ઈન્ટ્રા-ડેમાં સિલ્વરે 66 ડૉલરની સપાટી કૂદાવી હતી.(Gold Rate Today) વીતેલા સપ્તાહે બાઈંગ અને સેલીંગ બે તરફી ટ્રેડિંગ રહ્યા હતા.(Gold Price Today) ગોલ્ડ સિલ્વરમાં તેજી થવાના કયા કારણો? આગામી સપ્તાહે ગોલ્ડ સિલ્વરમાં(Gold Silver) તેજી કેટલી આગળ વધશે? શું યુએસ અને ઈરાન યુદ્ધનું ફેક્ટર ડિસ્કાઉન્ટ થઈ ગયું છે? જોબ માર્કેટના ડેટા પછી હવે યુએસ મોંઘવારીના ડેટા કેવા આવ્યા? શું હવે યુએસ ફેડરલ રીઝર્વ ફેટ રેટમાં(fed Rate) વધારો કરશે? ટેકનિકલી ગોલ્ડ સિલ્વર માર્કેટ કેટલું સ્ટ્રોંગ છે?
જૂઓ વીડિયો….
અમદાવાદ સોનાચાંદી બજારના ભાવ
અમદાવાદ(Gold Silver Market) સોનાચાંદી બજારમાં 24 કેરેટ સોનાનો ભાવ દસ ગ્રામે રૂપિયા 1,57,000 રહ્યો હતો. તેમજ ચાંદી ચોરસાનો ભાવ એક કિલોએ રૂપિયા 237,000 રહ્યો હતો.
MCX માં છેલ્લા ભાવ
મલ્ટી કોમોડિટી એક્સચેન્જમાં ગોલ્ડ રૂપિયા 1,54,590 રહ્યો હતો અને સિલ્વર રૂપિયા 2,36,272 રહ્યો હતો.
ગોલ્ડ ફ્યુચરમાં 33 ડૉલરનો ઉછાળો
આંતરરાષ્ટ્રીય બજારમાં ગોલ્ડ ડીસેમ્બર ફ્યુચર સપ્તાહની શરૂઆતે ઘટી 4,365 ડૉલર થઈ અને ત્યાં નવી લેવાલી નીકળતાં ઝડપથી ઉછળી 4,509 ડૉલર થઈ અને સપ્તાહને અંતે 4,432 ડૉલર બંધ થયો હતો. જે વીતેલા સપ્તાહની બંધની સરખામણીએ 33 ડૉલરનો ઉછાળો દર્શાવે છે.
સ્પોટ ગોલ્ડ 33 ડૉલર વધ્યું
સ્પોટ ગોલ્ડ સપ્તાહની શરૂઆતે ઘટી 4,310 ડૉલર થઈ અને નવી લેવાલીથી ઝડપી વધી 4,450 ડૉલર થઈ અને સપ્તાહને અંતે 4,376 ડૉલર બંધ રહ્યો હતો. જે વીતેલા સપ્તાહની સરખામણીએ 33 ડૉલર વધ્યું હતું.
સિલ્વર ફ્યુચર 1.34 ડૉલર વધ્યું
સિલ્વર સપ્ટેમ્બર ફ્યુચર સપ્તાહની શરૂઆતે વધી 66.98 ડૉલર અને ત્યાં ભારે વેચવાલીથી ઘટી 63.19 ડૉલર થઈ અને સપ્તાહને અંતે 64.83 ડૉલર બંધ થયો હતો. જે વીતેલા સપ્તાહની સરખામણીએ 1.34 ડૉલર(2.09 ટકા) વધ્યો હતો.
સ્પોટ સિલ્વર 1.74 ટકા વધી
સ્પોટ સિલ્વર સપ્તાહની શરૂઆતે વધી 66.81 ડૉલર થઈ અને ત્યાં નફારૂપી વેચવાલી આવતાં ઘટી 62.99 ડૉલર થઈ અને સપ્તાહને અંતે 64.70 ડૉલર બંધ થયો હતો. જે વીતેલા સપ્તાહની સરખામણીએ 1.13 ડૉલરનો(1.74 ટકા) સુધારો દર્શાવે છે.
ગોલ્ડ સિલ્વરમાં તેજી આવવાના કારણો
(1) યુએસ જોબ માર્કેટના નિરાશાજનક રીપોર્ટ બાદ યુએસ સીપીઆઈ ડેટા આવ્યો હતો. સીપીઆઈ એટલે મોંઘવારી દર 0.1 ટકા વધીને આવ્યો હતો, જે અનુમાન મુજબ જ રહ્યો હતો. તે પછી બજારના નિષ્ણાતોના મતે ફેડરલ રીઝર્વ હવે ફેડ રેટમાં વધારો નહી કરે. જેને પગલે ગોલ્ડ અને સિલ્વરમાં ભારે બાઈંગ આવ્યું હતું
(2) ગુરુવારે યુએસ જથ્થાબંધ મોંઘવારીના આંકડા જાહેર થયા હતા, જે મુજબ તેમાં ઘટાડો નોંધાયો હતો. જે પછી સપ્તાહની મધ્યભાગે(Gold Silver Market) ગોલ્ડ સિલ્વરમાં ઊંચા મથાળે નફાવાળાની વેચવાલી આવી હતી અને ગોલ્ડ સિલ્વરના ભાવ ઘટ્યા હતા.
(3) યુએસ ઈરાન વચ્ચે યુદ્ધ અને શાંતિ સમજૂતિના મુદ્દે હજી અનિશ્ચિતતા પ્રવર્તી રહી છે. આંતરરાષ્ટ્રીય બજારમાં ક્રૂડના ભાવ વધ્યા હતા. બ્રેન્ટ ક્રૂડ 88.52 ડૉલર અને ક્રૂડ ઓઈલ 82.40 ડૉલર હતો. યુએસ 10 વર્ષના બોન્ડનું યીલ્ડ વધીને 4.69 ટકા હતું. તેમજ ડૉલર ઈન્ડેક્સ ઘટીને 99.54 રહ્યો હતો. જેથી દરેક ઘટાડે ગોલ્ડ સિલ્વરમાં નવી લેવાલી રહી હતી.
(4) સપ્તાહના અંતિમ દિવસે શુક્રવારે યુએસ રીટેઈલ સેલ્સમાં 0.6 ટકાનો ઘટાડો નોંધાયો હતો. તે પછી પાકા પાયે કહેવાતું હતું કે હવે ફેડરલ રીઝર્વ સપ્ટેમ્બરમા યોજાનારી ફેટ રેટમાં કોઈ જ વધારો નહી કરે.
(5) જુલાઈમાં યુએસની ખોટ 432 બિલિયન ડૉલર વધીને આવી હતી. 2021 પછીનો સૌથી મોટો ગેપ હતો. યુએસની વધતી ખાદ્યને કારણે હવે આગામી દિવસોમાં ડૉલર પરનો વિશ્વાસ ઘટતો જશે. પરિણામે સપ્તાહના અંતિમ દિવસે ગોલ્ડ સિલ્વરમાં નવી લેવાલી આવી હતી.
આગામી સપ્તાહે બજાર કેવું રહેશે?
આગામી સપ્તાહે(Gold Silver Market) સોનાચાંદી બજારમાં બે તરફી વધઘટ જોવા મળશે. જો કે ટેકનિકલી માર્કેટ સ્ટ્રોંગ છે. પરંતુ યુએસ ઈરાન યુદ્ધ અને ક્રૂડની કીમતોમાં વધારો આ બે ફેકટર નેગેટિવ છે. જેથી ઉછાળે વેચવાલી આવ્યા કરશે. જો કે આગામી સપ્તાહના બુધવારે જુલાઈમાં એફઓએમસીની બેઠકની મિનિટ્સ જાહેર કરશે. જેના પર બજારની નજર રહેશે. બીજી તરફ ટેકનિકલી જોઈએ તો ટૂંકાગાળા માટે ગોલ્ડમાં 4,350 ડૉલરનો સપોર્ટ લેવલ રહેશે. અને ઉપરમાં 4,500 ડૉલરનું રેઝિસ્ટન્સ લેવલ રહેશે. 4500 ડૉલર કૂદાવશે તો તેજી ઝડપથી આગળ વધશે. બીજી તરફ સિલ્વરમાં 62 ડૉલરમાં સપોર્ટ લેવલ રહેશે અને ઉપરમાં 66.50 ડૉલર એ રેઝિસ્ટન્સ લેવલ રહેશે.
આ પણ વાંચો….
Stock Market India: આગામી સપ્તાહે શેરબજાર બાઉન્સ બેક થશે?
